سایت: لکنا

هم خم فراق، سا اوتیر، شونم
هم عزا برزی ،قامت خمونم

هم شوین و ماتم ،بیهمهمونم
هم دس و زونی ، سِزیا سوخونم

هم دل پر، اِ چرخ ،دور گردونم
هم کز نیش ،پاسار، دیوار هجرونم

هم اَسِر پاک کر، و گوشه دامونم
هم اژ فراق یار، دل پریشونم

هم سیاه برگِ، دس، هجر یارونم
هم باد، بلا خیز،شولیز رمونم

هم خونبار و خونریز کاسه چَمونم
هم خُسه آگر، اوتیهسَر گیونم

هم آگر گردون ،سِزان خرمونم
هم شِنه باد فنا ،مایه تویچونم

هم سَر َانگلا و ،زار و دل، هراسونم
هم دم سرد، و ،دلتنگ درد و مهمونم

هم دواره رنج کیش ،دوربی سامونم
هم دواره خم بار ، تویچیا، دودمونم

راهنمای برخی لغات 

اوتیر(انداخت)

شولیز(آشیانه)

شنه باد(نوعی  باد)

مایه(اندوخته وپس انداز)

چمونم(چشم هایم)

انگلاو(بلا تکلیف)

تویچیا(پراکند)

photo_2015-10-29_20-03-15

 

سجاد ایدون /ساکن خرم آباد