ایمشو داخ ئه‌ر دل بیچاره دیرم

رنگی  وَه   زردی   ایواره  دیرم

 

یه  حالی  مدوم  گیرِ گَن هتی

وَ  خصه هواردن، هوکاره دیرم

مِشتی  اسر  ئه‌را  مور آوردِنِم

آشاریا   ای   نوم   گلاره   دیرم

وختی   اسرَلِم   یَکاگیر     بِکَن

گِن‌گِن  ئه‌ر   دامون  پَلاره دیرم

تا  ایِ  تِلَنجِک  زمون   نامه گیر

دو  پا  چوی   آهو  فراره  دیرم

خاکِ    وا   بردی  زمینم،   ولی

هومالی وَ  گرد   آساره   دیرم

ئه‌را  نیشون  داین  رازم و بینِت

وَ  سویکِ  چَما   اشاره    دیرم

«کرم» وَ تنیای شوگارت قسم

ایمشو   تا‌گَ   صو   پژاره  دیرم

«کرم دوستی»